Երբ համը հանդիպում է նորաձևությանը․ «Ani Product»-ը Kids Fashion Day-ի բեմում
Հոկտեմբերի 23-ին «Ani Product»-ն իր յուրահատուկ մասնակցությունն ունեցավ «Yerevan Fashion Week»-ի շրջանակներում անցկացված «Kids Fashion Day» միջոցառմանը։ Մեր փոքրիկ մոդելները, միջոցառման գլխավոր դեմքի՝ Մարիամ Մարգարյանի հետ միասին, բեմ բարձրացան՝ ներկայացնելու մեր բրենդը և մեր վերջին համեղ նորությունը՝ հունական յոգուրտները։
Օրը լի էր ժպիտներով, խինդով և մանկական անկեղծ էներգիայով։ Միջոցառման ավարտին բոլոր փոքրիկ մասնակիցները ստացան մեր կողմից նախատեսված անսպասելի նվերները՝ հունական յոգուրտները, նկարվեցին իրենց սիրելի «Անի» կովիկի հետ և վայելեցին համեղ ու ջերմ ակնթարթներ, որոնք դեռ երկար կմնան հիշողություններում։
«Ani Product»-ի համար այս միջոցառումը պարզապես նոր փորձ չէր․ այն ևս մեկ անգամ հիշեցրեց մեզ, թե որքան կարևոր է մանկության պարզությունը, անկեղծ ժպիտը և իրական արժեքներով կիսվելը։
Շնորհակալություն ենք հայտնում «Yerevan Fashion Week»-ի և «Kids Fashion Day»-ի կազմակերպիչներին՝ անմոռանալի տպավորությունների, վառ հույզերի և այդ գեղեցիկ օրը մեզ հետ կիսելու համար։
🤍 Մեզ համար յուրաքանչյուր նման պահ ոչ միայն բրենդի պատմություն է, այլ նաև համով ու սիրով կիսված հիշողություն։