«ANI PRODUCT» ընկերությունը հիմնադրել է Մկրտչյանների ընտանիքը 2003 թվականին: Մինչև 2009 թվականը այն ունեցել է փոքր արտադրամաս, սակայն 2009 թվականին, հաշվի չառնելով, որ աշխարհում տնտեսական ճգնաժամ է, ընկերությունն իր առջև դրեց բիզնես-երազանք` հայրենական շուկայում նոր խոսք ասել և նոր որակի արտադրանք ունենալ: Այս գերագույն նպատակի համար կառուցվեց նոր, միջազգային բոլոր ստանդարտներին համապատասխան գործարանի շենք, ձեռք բերվեց ամենաժամանակակից սարքավորումներ, հոսքագծեր: Լավ արտադրանք ունենալու համար պետք էր նաև համախմբել լավագույն մասնագետներին: «ANI PRODUCT»-ի ղեկավարությունը ջանք չխնայեց և գտավ Հայաստանում ոլորտի պրոֆեսիոնալ մասնագետներին, ստեղծեց նրանց աշխատանքի համար ամենահարմարավետ պայմաններ և՛ մասնագիտական առումով և՛ ոչ միայն` ներառելով անվճար ճաշարան, հանգստի գոտի, աշխատանքային այնպիսի մթնոլորտ, որտեղ մարդիկ կաշխատեին ողջ նվիրվածությամբ: Այդ է պատճառը, որ ընկերության առաջին աշխատակիցների հիմնական կորիզը առ այսօր աշխատում է գործարանում: Երազանքը շատ կարճ ժամանակում իրականություն դարձավ. չնայած տնտեսական ճգնաժամային պայմաններին «ANI PRODUCT»-ը ոչ միայն գտավ իր ուրույն տեղը շուկայում, այլև տարեցտարի արտադրության ծավալների մեջ զգալի աճ գրանցեց և չբավարարվելով ձեռք բերածով` շարունակեց ու շարունակում է ներդրումներ կատարել և ընդլայնվել:
