Բաղադրիչներ
Անի մածուն -500 մլ
Ալյուր - 800գ
Թթվասեր - 2 ճ.գ
Ձու 2-3 հատ
Շաքարավազ 1 ճ.գ.
Աղ -0,5թ.գ.
Փխրեցուցիչ -1,5թ.գ.
Բուսայուղ -2ճ. գ.
Միջուկի համար
Կարտոֆիլ -5-6 հատ՝ միջին չափսի
Կանաչի- ըստ ճաշակի
Սոխ-1-2 հատ
Բուսայուղ-30մլ
Կարմիր պղպեղ
Սև պղպես
Աղ
Պատրաստման եղանակը
Մածունը, ձուն, թթվասերը, շաքարավազը, աղը , բուսայուղը լավ խառնել. ավելացնել փխրեցուցիչը, շարունակել խառնել: Ալյուրը պետք է անցկացնել մաղով և քիչ քիչ ավելացնել զանգվածին: Հունցել ձեռքերին չկպչող, բայց փափուկ խմոր: Թողնել հանգստանա 15- 20 րոպե:
Միջուկի համար. խաշել կարտոֆիլը, տրորել, ավելացնել սոխառած, աղ, սև և կարմիր պղպեղ, մանր կտրատած կանաչի:
Սեղանին բուսայուղ անել, խմորը բաժանել ոչ շատ փոքր գնդերի, ձեռքով տափակեցնել, մեջտեղում դնել կարտոֆիլե խճողակը և տալ կարկանդակի ձև:
Խորը թավայում առատ բուսայուղ լցնել, թողնել լավ տաքանա, կարկանդակները տապակել մինչև ոսկեգույն դառնալը:
Վայելել տաք-տաք՝ Անի կաթնամթերքի թանով: