Կաթնային միլքշեյքը ոչ միայն հրաշալի տարբերակ է շոգ եղանակին զովանալու համար, այլև էներգիա ստանալու ու վերալիցքավորվելու կատարյալ միջոց է օրվա ցանկացած պահին։ Սառեցված հատապտուղներն այս ըմպելիքին հաղորդում են վառ գույներ, թարմություն և բնական քաղցրաթթու համային նոտաներ՝ այն դարձնելով և՛ համեղ, և՛ էսթետիկորեն հաճելի։
Բաղադրիչներ (1 բաժին)
- 300 մլ. կաթ
- 1 թ.գ. մեղր
- 30 գ. սառեցված ելակ
- 30 գ. սառեցված հաղարջ
Պատրաստման եղանակ
Առաջին հերթին բլենդերով հարում ենք սառեցված ելակը և հաղարջը և հարելու ընթացքում աստիճանաբար ավելացնում կաթը: Ինչպես նաև ավելացնում ենք մեղրը և խառնում մինչև ստացվի համասեռ զանգված:
Խորհուրդ
Համային ամբողջ երանգը բացահայտելու համար 20 րոպե պահեք սառնարանում: