Այս թեթև նախաճաշը համատեղում է յոգուրտի նրբությունն ու կաթնաշոռի հագեցնող կառուցվածքը՝ հարստացված թարմ մրգերով և համեղ ընդեղենով։ Այն հարմար է թե՛ նախաճաշի, թե՛ առողջ լանչի կամ նույնիսկ թեթև աղանդերի համար։
Բաղադրիչներ
- 100 գ հունական յոգուրտ
- 100 գ կաթնաշոռ
- 40 գ գրանոլա
- ½ բանան
- ազնվամորի
- ելակ
- ընդեղեն՝ նուշ, գետնանուշ կամ ընկույզ (ըստ ցանկության)
- մեղր
Պատրաստման եղանակ
Խոր տարայի մեջ խառնել «Ani product»-ի դասական հունական յոգուրտն ու կաթնաշոռը մինչև ստացվի համասեռ զանգված։
Այնուհետև ավելացնել գրանոլան, մանր կտրատված բանանը, թարմ ազնվամորին և ելակը:
Վրան լցնել կտրատված ընդեղեն և ցանկության դեպքում՝ մի փոքր մեղր:
Խորհուրդ
Կարող եք շեղվել այս բաղադրատոմսից և դասական հունական յոգուրտի փոխարեն օգտագործել մյուս համերից որևիցե մեկը՝ «Ani product»-ի վանիլային կամ հապալասով հունական յոգուրտը:
Կարող եք փոխել մրգերը ըստ ցանկության՝ ավելացնելով, օրինակ, կիվի, խաղող կամ չամիչ։
Մատուցել անմիջապես, որպեսզի գրանոլան չփափկի։