Բաղադրիչներ՝
Թխվածքաշերտի համար՝
• «Անի» կաթնաշոռ (5-9%)՝ 700 գրամ
• Ձու՝ 3 հատ • Շաքարավազ՝ 130-140 գրամ (ըստ ճաշակի)
• Մանրաձավար (манка)՝ 110 գրամ
• «Անի» թթվասեր՝ 110 գրամ
• Հալեցված կարագ՝ 55 գրամ
• Վանիլային շաքարավազ՝ 10 գրամ
• Աղ՝ մեկ պտղունց
Կաթնային սոուսի համար՝
• «Անի» կաթ՝ 250 մլ
• Շաքարավազ՝ 1 ճաշի գդալ
• Ալյուր՝ 1 ճաշի գդալ
• Կարագ՝ 10 գրամ
Պատրաստման ընթացքը՝
Թխվածքաշերտի պատրաստումը՝
1. Փոքր ամանում խառնել մանրաձավարն ու «Անի» թթվասերը և թողնել 15-20 րոպե, որպեսզի ձավարը ուռչի։
2. Կաթնաշոռը հարել բլենդերով կամ անցկացնել մաղով, որպեսզի ստացվի նուրբ զանգված։
3. Առանձնացնել ձվի դեղնուցները սպիտակուցներից։ Սպիտակուցները հարել մինչև սպիտակ, պինդ փրփուր դառնալը, իսկ դեղնուցները ավելացնել կաթնաշոռին։
4. Կաթնաշոռի զանգվածին ավելացնել նաև շաքարավազը, թթվասերով մանրաձավարը, հալեցրած կարագը, վանիլային շաքարավազն ու աղը։ Լավ խառնել։
5. Զգուշորեն, ներքևից վերև շարժումներով թթվասերային զանգվածին ավելացնել հարած սպիտակուցները։
6. Թխման ձևամանը պատել կարագով և թեթևակի ցանել մանրաձավար։ Զանգվածը լցնել ձևամանի մեջ (ցանկության դեպքում վրան կարող եք քսել ձվի դեղնուց՝ գեղեցիկ կեղև ստանալու համար)։
7. Թխել 175°C տաքացված ջեռոցում 45-55 րոպե՝ մինչև ոսկեգույն կեղև ստացվի։ Թխվելուց հետո անմիջապես դուրս չբերել. թողնել 10 րոպե անջատված և փոքր-ինչ բաց դռնով ջեռոցում, ապա նոր հանել։
Կաթնային սոուսի պատրաստումը՝
1. Փոքր կաթսայի մեջ լցնել «Անի» կաթը, ավելացնել շաքարավազը, ալյուրն ու կարագը։
2. Դնել թույլ կրակին և անդադար խառնելով եփել` մինչև թեթևակի թանձրանա։
3. Թխվածքաշերտը կտրատել, վրան լցնել տաք կաթնային սոուսը և մատուցել։
Բարի ախորժակ։