Բաղադրիչներ
- աղ՝ մի պտղունց
- 8 հատ խուրմա
- 25 գ. նուշ
- վանիլին (ըստ ցանկության)
- 20 գ. հապալաս
- 100 գ հունական յոգուրտ
Պատրաստման եղանակ
Սկզբում անհրաժեշտ է բլենդերով մանրացնել նուշն ու խուրման՝ ընթացքում ավելացնելով մի փոքր աղ։ Ստացված զանգվածը պետք է լինի պինդ, որպեսզի հնարավոր լինի ստանալ համապատասխան կառուցվածք։
Նախապատրաստել փոքր տարաներ և զանգվածը տեղափոխել դրանց մեջ՝ այնպես, որ ստացվի պատյան՝ տարայի տեսքով (ինչպես փոքր գավաթ)։
Այնուհետև տարաները տեղափոխել սառնարան և թողնել այնտեղ 30 րոպե։
Սառնարանից հանելուց հետո, զգուշորեն հանել ձևավորված պատյանը տարաներից։ Նախապես իրար հետ խառնել հունական յոգուրտը և վանիլինը, ապա լցնել պատյանի մեջ։ Վերջում զարդարել հապալասով։
Խորհուրդ
Մի փոքր կարող եք շեղվել բաղադրատոմսից և դասական հունական յոգուրտի փոխարեն օգտագործել մյուս համերից որևիցե մեկը՝ «Ani product»-ի վանիլային կամ հապալասով հունական յոգուրտը: