Բաղադրիչներ՝
- Սպիտակաձավար (մաննիկ)՝ 400 գրամ
- «Անի» կեֆիր՝ 500 մլ
- Շաքարավազ՝ 200 գրամ
- Հավկիթ՝ 3 հատ
- Կարագ՝ 100 գրամ (հալեցված)
- Նարինջ՝ 2 հատ (մեծ)
- Փխրեցուցիչ՝ 1.5 թեյի գդալ
- Վանիլին և աղ՝ մեկական պտղունց
Պատրաստման ընթացքը
- Սպիտակաձավարի վրա լցրեք «Անի» կեֆիրը, լավ խառնեք և թողեք 30-60 րոպե, որպեսզի ձավարը ուռչի։
- Ձուն հարեք շաքարավազի, վանիլինի և աղի հետ, մինչև ստացվի բաց գույնի փրփրուն զանգված։
- Նարինջների կեղևը քերեք, իսկ միջուկից քամեք հյութը։
- Ուռչած սպիտակաձավարին ավելացրեք հալեցված կարագը, ձվային զանգվածը, նարնջի հյութն ու քերած կեղևը։ Լավ խառնեք։
- Վերջում ավելացրեք փխրեցուցիչը, խառնեք և լցրեք կարագով պատված թխման տարայի մեջ։
- Թխեք 180°C տաքացրած ջեռոցում մոտ 40-50 րոպե՝ մինչև ոսկեգույն դառնալը։
Բարի ախորժակ